එක වසර පන්තියේ මම සිටින විටදී පාසැලේ
ගුරුතුමී කීවා මතකයි හදන්නට සරුංගලයක්
මීට පෙර කිසි දිනක හදා නොතිබුන නිසා
අසා තිබුනා සරුංගල් හදන්නේ ඉරටින් කියා
සිටියේත් නෑ උදව් ගන්නට කිසි කෙනෙක්
මමත් හිටියේ උනන්දුවෙන් හා හරිම විස්වාසෙන්
ගැටගසා මුලු නුල් බෝලය අලවලා සව් කොල ටිකක්
ගත්තා මගේ සරුංගලය කරකලා ඉන වට ටිකක්
තාම මතකයි ගෙන දිවූ හැටි ගේ වටේ මහ වේගයෙන්
උඩ ගියේ නෑ කිසිම ලෙසකින් බිද ලමින් මා සිත පැතුම්
බැරිම තැන ගෙන විවිද උපදෙස් සමග ඔවදන් අනුහසින්
දික් කලා අඩි කීපයක් මා සරුංගලයේ කොට නූල්
රැගෙන වේගෙන් කරකවා ගත්තා නූලේ එක පොටක්
තියා ඉනි මං බලා සුලගත් නැග්ග වහලෙට වීරියෙන්
තියා තනිකර ආවා පහලට පැන්න පොට ගෙන වේගයෙන්
බැලුව හනිකට ඉහල යන හැටි වැටුන පිම්මෙම කර කොනින්
තියා අඩියක් තවත් පෙරටම සරුංගලේ උඩ යයි සිතා
දිව්වා හයියෙන් උපරිමෙන් ගෙන අනෙක් පිම්මත් කරකවා
වරක් කැරකී සරුංගලයත් පෙරත් පරිදිම වේගයෙන්
ආපි බිම දිග මාත් සමගම පෙරළි පෙරළී උමතුවෙන්
චරක දනන්සූරිය
No comments:
Post a Comment