සුභ නව වසරකට ආසිරි

උඬගු සිත් ගත්

වෙත්ද ජගතෙක් මා තරම්

සිතත් මිතුරන් බොහොමත්

ලත් කලට කඩවසම් ලදකුත්

සමග වාහනයකුත්

වැටුප්

තනතුරු උපාධිත්

දැක බක් අස් රියක්

එක් ගෙබි නාම්බෙක්
පුම්බා ආසාවිලු
දැන් අසු නොඉක්මිද මන්

නැත තව පිම්බියන්
පවසා මිතුරු ගෙම්බන්

දිරිමත් කලා මූ
පිම්බෙන්නට අසු තරම්

දොඹ ඇටයක් තරමි ගෙබි රද
අඹ ඇටයක් තරම් පිම්බී
පිපිරීලු සුලු හඩින්

පඩයක් අරින සද්දෙන්

නිහඩව සංයමෙන්

යුතුකමෙන් ධෛරයෙන්
අවමන් ඉවසමින් 

නවමන් පාරමින්
අභීතව අරමුණින්
නව වසර ජයගන්න ඔබ හට

හදින් පැතුන් කලා

කාලය මැව් වෙනසක අරුමේ

අවුරුදු පොලේ බඩගා යන අතර තුර
අහබෙකි වුනේ සරමක් තෝරන අතර

සත් වසරකත් නුදුටුව පෙර ගජ මිතුර

කිරිබත්ගොඩ ඇවිත් වැඩපොළ වෙත යන්න

දුටු ආවේගයට පැන ඔහු වැළදගෙන
සතුටට ඔහුත් වේගය කිටි වෙව්ලවන
ඇරයුම තවත් කල් දමනට යන ගමන
දෙදෙනම ගිහින් සුලු විතකට මුල පිරුන

ආගිය තොරතුරු සුව දුක් පසකට තබලා
මූ විමසයි මගෙන් දැන් පඩි කීයද කියලා
ඇහුවෙත් නැතුව උගේ රස්සා ගතු කියලා
මේකා කියයි දැන් මම එතනයි කෙරුමා

ඊ ළග වැනුම ඌ සතු වාහන ගැනමයි
වාහන කීපයක් ලඟදිත් හැප්පුනා කීවයි
කොම්පැනියෙන් නිති අඩවස් පඩි වැඩි කරතැයි
ඌ නැති කලට කොම්පැනියක් නැත කීවයි

දෙවනුව කියපි යන බව නිතරම නිල රතයේ
ඩයිවර් නිවඩුයි නැත කිම නුඹ වාහනයේ
විපරම් කරලා ඇද්දැයි මට රිය කල්යානේ
කරබා මමත් රත නැති දුගියෙක් විලසේ

ටිකකින් පඩි ගැනත් පම්පෝරිය දොඩනා
අඹු දරු ගේ දොරත් ගැන කරමින් වරුනා
ගරහා මටත් අවිවාහක බව නොමනා
ඔවදන් දීපි පිය පදවිය ගැන අගනා

එතනින් නැවතුනේ නැත පෙර සරසවි මිතුරා
විමසයි මගේ තනතුර ගැන  දැන් දරණා

දැක දැන ඇදින මට දැන් විලි ලැජ්ජත් හිතිලා
තව නැත නැවතුනේ නව මිතුරන් සිහිලා

අද ලක් දිවේ මැති ඇමතින් මම දනිමි
බලහන් මිතුර මා ලග ලිපි දැන් ගනිමි

ඇමතියි සන් කලේ බලපන් ලොව පදිරි
ධම්මික මගේ බොස්වේ මම දැන් සුපිරි

නවතිනු ඇතැයි එතනින් නැත නවතින පාටක්
දැනගන් තවත් නොම අපි දැන් පාසැල් දරුවන්
උපයන වැදගතුන් අපි අද නොව තවමත් සිසුවන්
උපයන තරම නැත කිසි දින මට ඇති වීමක්

විතරක දර්ෂනික වදනක් පිටවෙන්නේ 
ඒ වදනිනුත් ඔහු ඔහුවම අගයන්නේ

පෙට්රල් ශෙඩ් එකක් ගත් බව කියවන්නේ
බිරිඳගේ ඉඩ කඩම් වතු පිටි මගෙ වන්නේ

ඊ ළඟ දෙසුම මුගේ අනංග රුගුම් ගැන

රති කෙලියෙන් රම්බා හිමි පරදවන තැන
නිති දස්කමින් රූ ලලනුන් බදින මන
ගතියට කියයි රස බර කර එක දෙකට
 
විටකට බිරියට හැර වෙනකෙක් නැත පවසයි
ඒ විගහින්ම තහනම් ඵල රස කියවයි

ඔහු සැප නොලද අගනක් ලොව නැති ගානයි
කැම්පස් එකෙත් මූ සලලෙක් බව පතලයි

කියවන එකක් අනකට පස්පර වන්නේ
ඒ අතරකට බණ පදයක් දැන් එන්නේ
පෙර මෙන් නොවේ මා දැන් පියෙකුද වන්නේ
දරු සුරතලුත් බලහන් බලලයි එන්නේ

වේටර් හනික මේ අතරට දිව එන්නේ

මිතුරා නිතර පැමිනෙණ බව පවසන්නේ
රුපියල් හත්සියය ලෙස බිල පැමිණෙන්නේ
ඊ ළඟ කෙලිය කිමදැයි මට වැටහෙන්නේ

මාසෙ පඩිය ලක්ෂ දෙකක් ඉක්මයිලූ
දවසක තේ දලුත් හොන්ඩර කැඩෙනවලු
රබරුත් රොටී 20 ක් දවසට ඒ ලූ
පැට්රල් ශෙඩ් එකේ ලාභය ගෙදරටලූ

දැන් කැරකෙනා බෝලය මට වැටහෙන්නේ
පන්සීයේ කොලේ අස්සක හිර වෙන්නේ
සෙසු කොල හිර බවකදෝ දැන් අගවන්නේ
සතියට දෙදාහක් නොනයි මට දෙන්නේ

බොරුවට බොරුව දැන් නවතින්නේ නැතිලු
සෙසු බොරුවකට එය පාරක් පාදයිලූ
සෙසු වියදමට කාඩ්පත් ඔහු සතු ඇතිලු
එවන් ගිණුම් ගැන බිරිදට පවසා නැතිලු

ලත වෙන අතර මාරු හිගව මගෙ දෙසීයට කෙල ලන්නේ
වේටර් අතට මාරුත් නැතිව නැවත මිතුරා ලත වන්නේ
එතනත් නැවත පණහක් අතට මටමයි දෙන්නට වන්නේ

නැවත නැවත දමමින් අතක් බොරුවට සාක්කු පීරන්නේ

සමුගෙන යන්න පෙර පලවී අනගි සිතක්
මූ විමසනව ගන්නට රට බොතලයක්
නොම දත් නිසා රට බෝතල් කිසිම දෙයක්
පන්දාහකට ගෙන රතු ලේබල් ලීටරයක්

සමුගෙන මගෙන් මොහොතක් යන්ට මත්තෙන්
face book මැසේජය එයි ඊයක වේගෙන්
අරගෙන මචං බොතලයක් පන්දාහෙන්
දැන් මම යන්නේ සුර ලෝකෙට වැඩි වේගෙන්

නීල් අයියා

ගොම්මන් කලුවර ලන්ද තවන කල
හොල්මන් හෙවනැලි බිඳින පවර නල

අම්බරුවන් අඩ පරිදින ගොරහැඩි නද

රහසින් දොස් අසනා නුඹ ගමකින් 

අඩා කෑගසන කල ආවේගෙයන්

දත්තේ නැහැ අණුවන ගම්මුන්
ලෙසම හැර නුඹ නූගත් නොහික්මුණු

සසල අවාසනාවන් මිනිසෙක් තනිකඩ කියා

රස මසවුල් ලොබ නොබැඳ රාගින්නෙන් නොම වී මුලා

රහ මෙර නැත දිනක තොලලා චපල නැති නුඹ

වියරු වී කෝපයෙන් හික්මණු බැරිව ආවේගයෙන්

සලිතවී දෝ සැදෑවක මූසල බවින් වියරුව

තනිකම, විරහව, විටකදී කලඹවන හැටි මිනිසෙක්
සම්මතය උසුලා අකුසල් නිසාදෝ වී තනිකඩව ඔබ

නොදමිත ආවේගයන් කළඹවා ඔබ නොදැනුවත්

බලා උනි නිහඩවම ඔබ ගැරහුමුත් නිති ලං කරන්

පිටතින් ලොවට වී නුඹ නොහික්මුණු ගොපල්ලෙක්
ඇතුලතින් වී පියෙකු මෙන් තිරිසන් ගව කැලකටත්

මදක් කැළඹුනත් විටකට කිපී සුලු දේකටත් සසලව

ගෙවන නුඹ දිවි ගමන මා කම්පිත කලා 

තනි අලියා

තනිකඩව තනියම සිටියා

තනිවම දිවිගෙවන්නට හුරුවී

නොදැන දැනගත යුතුය ඉවසන්නට

වෙසෙන විට දෙදෙනකුව එක්වී

ඇරත් සුවෙනස් බව

දැන සිටියේම නැහැ

දැනගන්ම පමණක්

සෑහෙන්නේම නැහැ

නිති ඉවසීව බව සැනසීම
දැන කෝපයන් ආවේගයන්

පාලනය විය යුතු බව දැනත්
නොවන්නෙද නැති නිසා පුහුණුවක්

අපල දිගු කල

බලා දිවි මග පෙරට

ඉඳ කටුක මග දෙස බලා පහුකල

ඇති ලෙස දැන පෙර අකුසලුත්

උකටලී නොව අදිටනින්

දිරියෙන් සන්තාපයෙන් මිදී

ඉරණමම කුරිරුමුත්
දෛරයෙන් අදිටනින්
නොනිම් වෙර දහඩියෙන්
යුක්තියෙන් යුතුකමින්

ඉතිරි දිවිමග ටිකත්
ඉවසමින්  නොනැවතී

පැරදී වෙහෙසවී
අරමුණුත් ඉටුනොවෙන කල
නිදි මරා දිවි ගෙවා
යුක්තියෙන් උපරිමව
තවත් මට මේ තරම්
පල විරහිත වුනේ
පෙර පවින් දෝ යැයි
සිත සරතැස නිවා

පැතුවා ආදරය නිතර

සිතා ගැන එහි මිහිර

බලා සිටියේ නිතර

රැක නිති බමසරත්

තවත් අකුසල් නොකොට
මෙත් සිතින් හැකි ලෙසින්
සැමට යහපතක් කොට
මිය යන්ට සිත්කලා
ලංව තිස් දෙවන විය